ҚМДБ БҚО өңіріне қарасты барлық қала, аудан, ауыл мешіттері жылдағы дәстүр бойынша балаларға арналған жазғы діни сауат ашу курсының жұмысын бастады.
«Имани жаз — 2025» атты діни сауат ашу курсының басталуы балалар мен жасөспірімдер үшін өте маңызды әрі рухани мағынасы терең бастама. Мұндай курстарда оқушылар:
- Ислам дінінің негіздерін (иман, намаз, ораза, т.б.);
- Құран әліппесін оқып үйренуді;
- Пайғамбарлар өмірі мен әдеп-ахлақ сабақтарын;
- Дін мен ұлттық салт-дәстүр сабақтастығын үйрене алады.
Алғаш рет діни сауат ашуға келген кішкентай шәкірттерді қабылдаған орталық «Ар-Рахман» мешітІнің наиб имамы Бағдат Шақаев оқыту барысындағы ата-аналар мен мешіттер арасындағы міндеттерді пысықтай келе, олардың қасиетті ілім үйрену жолына табыс тіледі.
Ұстаздар балаларды жас ерекшеліктеріне қарай топтарға бөліп, сабақ жүргізуде. Сонымен қатар, рухани сабақтар мен ойын-сауық шаралары да ұйымдастырылып, балаларға тәттілер мен бамұздақтар таратылуда.
