Жақында ҚМДБ «Халал Даму» стандарттау және сертификаттау орталығының директоры Айбек Аташев пен бас сарапшы-технолог Айжан Омарова арнайы іссапармен Орал қаласына келді.
Іссапар барысында ҚМДБ «Халал Даму» мекемесінің сертификатын алған 21 кәсіпорынға кезекті тексеріс жұмыстары жасалып, «QMDB Halal» сертификатының маңыздылығы түсіндірілді. Тексеріс барысында жаңадан сертификат алуға ниетті кәсіпорындарға да барып, адал өнімнің өмірдегі құндылығы баяндалды.
Іссапар барысында мекеменің директоры Айбек Аташев пен облыстың бас имамы Самат Қанатқалиұлы «Батыс-НЫҚ» ЖШС-де және «Ет өнімі»ЖШС шұжық өндірісіне аудит жасады.
Одан кейін Айбек Аташев облыстық орталық «Орал» орталық мешітінде ақшам намазынан кейін жиналған жамағатқа халал тақырыбында әңгімеледі.
Мешітте әйел жамағатымен өткен кездесу барысында «Халал индустриясы» туралы облыстық’Орал» орталық мешітіндегі әйел жамағатына сөз қозғады. Одан бөлек,»Орал» медресе-колледжіне барып, шәкірттерге «Халал – шариғат талабы» атты семинар жүргізді.
Ал Бас сарапшы Айжан Омарова ҚМДБ «Халал» сертификатын алған кәсіпорындарды жіті тексерді. Облыстық «Орал» орталық мешітінде әйел ұстаздар мен жамағатқа «Халал ризық іздеу – мұсылмандарға парыз» атты семинар жүргізіп, дебаг туралы кең көлемде түсінік беріп, қазіргі таңдағы халал сертификатын беру ережелерін түсіндірді. Адал мен арам табиғи қоспалар туралы, доңыздың терісі, сүйегі, қылшығы мен іш құрылыстарынан өндірілген түрлі заттардың діни және ғылыми негіздерге сүйеніп, харамдығын дәлелдеп, жиылған жұртшылықтың сауалдарына тұшымды жауап берді.
Іссапар барысында ҚМДБ-ға қарасты «Халал даму» ЖШС директоры Айбек Аташев «Халал» жұмыстарының нәтижелі болғанын жеткізді.
БҚО-ның баспассөз қызметі
