Кеше әз Пайғамбарымыз (оған Алланың салауаты мен сәлемі болсын) дүниеге келген Мәуліт айының құрметіне БҚО өкілдігіне қарасты «Ар – Рахман» мешітінде 150 адамға дастархан жайылып, Мәуліт шарасы атап өтілді.
Дастарханға ҚМДБ-ның БҚО бойынша бас имамы Самат Қанатқалиұлы, мешіт ақсақалдары, мешіт имамдары және сол мешіттің жанашыр жамағаты қатысты.
Шара басталмас бұрын «Ар – Рахман» мешітінің бас имамы Самат Қанатқалиұлы мәуліт мерекесі туралы шағын танымдық уағыз-насихат айтты.
Соңғы Пайғамбардың Мұхаммед (оған Алланың салауаты мен сәлемі болсын) өнегелі өмір жолына тоқталды. «Тулбаев Мухаммед – Гариф» мешітінің наиб имамы Саят Қанатқалиұлы әуелетіп «Мәуліт жырын» оқыды.
Мәуліт мерекесінің құрметіне орай жайылған дастархан қонақтарына «Ар – Рахман» мешітінің ұстазы Талғат Мұратұлы «Пайғамбарға (оған Алланың салауаты мен сәлемі болсын) махаббат» атты уағыз айтып, жамағатты ғибратты оқиғасына ұйытты.
Кеш соңына қарай білікті ұстаздар тарапынан жамағатқа сұрақтар қойылып, дұрыс жауап берген жандарға кітаптар хадия етілді.
