Бүгін ҚМДБ Төрағасы, Бас мүфти Наурызбай қажы Тағанұлының бұйрығымен Батыс Қазақстан облысы, Бөрлі ауданына жаңадан имам тағайындалды.
Орал қаласы, «Ар – Рахман» мешітінің наиб имамы Талғат Мұратұлы ауданның орталық мешітінде жамағатқа ауданның бас имамы Ихсанов Ерденбек Жанұзақұлының қызметінің ауысуына байланысты ауданның жаңа бас имамы Жакенов Қанат Қуанышбайұлын таныстырды. Білікті маманның білім деңгейін, тәжірибесін атап өтіп, жаңа қызметіне сәттілік тіледі.
Ауданға тағайындалған бас имам Қанат Қуанышбайұлы 2010 – 2013 жылдар аралығында «Орал медресесін», 2013 – 2016 жылдар аралығында «Нұр-Мүбарак» Египет ислам мәдениеті университетін «Исламтану» мамандығы бойынша тәмамдаған. 2021- 2023 жылдары Түркия республикасы Анкара қаласы, Анкара университетінде магистратурада білімін жалғастырған. Еңбек жолын 2016 жылы Батыс Қазақстан облысы, Бөрлі ауданы, «Бөрлі аудандық мешітінде» наиб имам қызметінен бастаған ол 2018 – 2021 жылдары аталмыш мешітте бас имам қызметтерін абыроймен атқарған.
