ҚМДБ-ның бастамасымен, «Ар-Рахман» орталық мешітінің қолдауымен имам-молдалардың кәсіби біліктілігін арттыру бағытында семинарлар, оқыту курстары, семинар-тренингтер жүйелі ұйымдастырылып келеді.
Кеше Ислам және дәстүр құндылығы жылы аясында Орал-медресе колледжінде “Ар- Рахман” мешітінің бас имамы Самат Алибаев пен медресе директоры Талғат Мұратұлы, облыс пен қала мешітінің діни қызметкерлері семинарға қатысты.Осындай кезекті семинарды ҚМДБ-ның БҚО бойынша өкіл имамы, «Ар-Рахман» орталық мешітінің бас имамы Самат Қанатқалиұлы ашып, семинар жұмысына жұмысына сәттілік тілеп, толықтай жүргізіп отырды.
Тәжіден Батырұлы атындағы Орал қалалық мешітінің наиб имамы Әсет Раманқұлов “Ақида мәселесі” мен Бәйтерек ауданы, Асан ауылдық мешітінің бас имамы Мұратбек Жахатов “ Көне түркі тілінің тарихы” жайында сөз қозғап, имамдарға кеңінен насихат өткізіліп, материалдар көрнекі слайд арқылы көрсетілді.
Семинар барысында имамдарға діни сауаттылық, діни басқарманың бес бағыты бойынша насихаттар пысықталып, пікірлер тыңдалды.
Имамдар да толғандырған сауалдарын жолдап, мазмұнды мәліметтер алынды.
Имамдарға арналған діни семинарлар әлі де өз жалғасын таппақ.
Баспасөз қызметі
