Қасиетті Рамазанға орай Ақжайықта пресс-конференция өтті

Қасиетті Рамазан айына орай, ҚМДБ-ның БҚО облысы бойынша өкілдігінің ұйымдастыруымен БҚО Қазақстан орталық коммуникациялар қызметі орталығында  БАҚ өкілдеріне арналған пресс-конференция болып өтті.

Алдымен  Орал облыстық орталық мешітінің Бас имамы  Еркебұлан Қарақұлов сөз алып, ҚМДБ-ның төрағасы, Бас мүфти Серікбай қажы Сатыбалдыұлы хазіреттің қасиетті Рамазан айына байланысты халыққа Үндеуін жеткізіп,  исі мұсылман жамағатын сағындырған “Рамазан айының басталуы”  турасында кеңінен тоқталды. ҚМДБ-ның төралқа мәжілісінде пітір садақаның құны 300 теңге болып белгіленгенін, ораза ұстаудың тәртібі туралы кестенің үлгісімен таныстырды.

Жиылған БАҚ өкілдеріне қасиетті Рамазан тәрбие ай екенін ескертіп, ораза ұстауға шақырып, қойған сауалдарына өкіл имам жауап берді.

Екі дүниенің сардары, сүйікті Пайғамбарымыз Мұхаммедтің (оған Алланың салауаты мен сәлемі болсын) сүйіншілеген істерімен сауапқа кенеліп, екі дүниенің рахатына  бөленуді нәсіп етсін!

ҚМДБ-ның БҚО бойынша баспасөз қызметі

Пікір үстеу

Э-пошта мекенжайыңыз жарияланбайды. Міндетті өрістер * таңбаланған